PDL Group Cəbrayıl rayonunda günəş elektrik stansiyasının tikintisində fəal iştirak edir
2025-ci ilin iyul ayında Providence Doytch MMC Cəbrayıl rayonunda günəş elektrik stansiyasının tikintisi üzrə genişmiqyaslı infrastruktur layihəsinin icrasına başlamışdır. İşlər regionun enerji təhlükəsizliyinin gücləndirilməsinə və təmiz, davamlı enerji mənbələrinin tətbiqinin genişləndirilməsinə yönəlib.
İcra olunan işlər aşağıdakılardır:
- 930 000 m²-dən artıq ərazidə torpaq işlərinin görülməsi;
- Ümumi uzunluğu 20 603 metr olan hasarın quraşdırılması;
- 87 014 ədəd svayın vurulması;
- 494 m³ beton işlərinin yerinə yetirilməsi.
Layihənin həyata keçirilməsi ölkənin “yaşıl enerji” strategiyasının inkişafında mühüm rol oynayır, regionda kənd təsərrüfatı və sənayenin davamlı inkişafına töhfə verir. PDL Group-un bu tikinti işlərində aktiv iştirakı şirkətin innovativ texnologiyalara və ekoloji yönümlü həllərə sadiqliyini bir daha nümayiş etdirərək ölkənin gələcək enerji inkişafı üçün möhkəm əsas yaradır.